Head image
Govt. Logo

Hits 6107 |  1 online

           


Kituo cha Tiba na Marekebisho ya tabia kilichopo Kidimni kinatarajiwa kuwa ni kitovu cha malezi ya vijana walioathirika na matumizi ya Dawa za Kulevya
news phpto

Waziri wa Nchi Ofisi ya Makamu wa Kwanza wa Rais Mhe Harusi Said Suleiman akimsikiza kwa makini Meneja msimamizi mafunzo wa Kituo cha Tiba na Marekebisho ya tabia kilichopo Kidimni ndugu Simai M. Amour alipokuwa akimuelezea ratiba ya mzunguko wa maisha ya wanafunzi waliopo kituoni hapo.

Kituo cha Tiba na Marekebisho ya tabia kilichopo Kidimni kinatarajiwa kuwa ni kitovu cha malezi ya vijana walioathirika na matumizi ya Dawa za Kulevya sehemu ambayo watapatiwa tiba sahihi na stadi za maisha, kujifunza masuala mbali bali yenye manufaa ili waendane na harakati za maendeleo kama mipango ya Serikali ilivyobainisha

Waziri wa Nchi Ofisi ya Makamu wa Kwanza wa Rais Mhe Harusi Said Suleiman ameyasema hayo wakati alipotembelea kituo hicho akiwa ameongozana na Kamishna Mkuu wa Mamlaka ya Kudhibiti na Kupambana na Dawa za Kulevya Zanzibar Kanali Burhani Z. Nasoro pamoja na viongozi wengine wa mamlaka hio

Mhe Harusi amesema Serikali ya Mapinduzi Zanzibar inatekeleza mradi huu ikiwa imetumia busara kubwa na kufikiria wananchi wake hasa vijana ambao ndio wajenzi na rasilimali muhimu katika kuendeleza uchumi wa nchi na taifa kwa ujumla

Amesema dawa za kulevya ni adui wa maadili, ndio chanzo cha maasi na huharibu mfumo wa uchumi, hivyo ameiomba jamii kuunganisha nguvu za pamoja kuchukia matumizi ya dawa za kulevya kwa kuwafichuwa waingizaji, wasambazaji na wauzaji

“Wajibu wetu wananchi kila mmoja wetu kushirikiana na vyombo vya ulinzi na usalama kwa kuwafichua wafanyabiashara na wasambazaji wa dawa za kulevya”alisisitiza Bi Harusi

Mhe Harusi akiwa kituoni hapo amekagua na kutembelea mradi wa banda la malisho ya ngombe, mabanda ya kuku, sehemu inayotegemewa kujengwa karakana ya kutengeneza magari, sehemu inayolimwa bustani za mbogamboga, vyumba vya kulala na ofisi

Nae na Kamishna Mkuu wa Mamlaka ya Kudhibiti na Kupambana na Dawa za Kulevya Zanzibar Kanali Burhani Z. Nasoro amemuhakikishia Waziri wa Nchi Ofisi ya Makamu wa Kwanza wa Rais Mhe Harusi Said Suleiman kuendelea kuweko kwa ulinzi na usimamizi madhubuti katika kudhibiti na kupambana na dawa za kulevya ndani nan je ya kituo hicho

Huduma za Tehama

Barua Pepe

Sisi

Mwanzo Kuhusu Sisi Idara Zetu

Viunga Muhimu

ZEMA ZAC DDA IKULU

Mawasiliano

Ofisi Kuu
S.L.P 2808, Migombani, Zanzibar
Tel.: +255(24)2232474 Mhe Waziri



Tel.: +255 (24)2232475 Katibu Mkuu,
Fax: +255 (24)2232476
Email: info@omkr.go.tz